(Dhoobley(Idaacadda Sanguuni)-Tababaraha xulka qaranka England ee Gareth Southgate ayaa sheegay in laba ciyaartoy oo aan waligood ka mid noqonin xulka qaranka England, ay suurtogal tahay inay ka mid noqdaan xiddigaha uu u xulanayo Koobka Qaramada Yurub ee Euro 2024 ee bisha June lagu qaban doono waddanka Germany.
England oo ka mid ah dalalka aadka loogu saadaalinayo tartankan, ayaa haysata ciyaartooyo badan oo ka caawin kara inay ku guuleystaan koobkoodii ugu horreeyey tan iyo sannadkii 1966kii oo ay qaadeen Koobka Adduunka, intii waqtigaas ka dambaysayna wax koob ah ma aanay qaadin.
Saddex sannadood ka hor ayay usoo bxeen Finalkii Euro 2020 ee lagu ciyaaray garoonka Wembley, waxaana rikoodheyaal ku garaacay Talyaaniga oo koobka ka qaaday, hase yeeshee markan ayay halgan adag geli doonaan.
Gareth Southgate oo waraysi siiyey telefishanka Sky Sports ayaa yidhi: “Waxay ila tahay in mid ama laba ciyaartoy oo aan hore ugu soo dheelin xulka qaranka England ay ka mid noqon doonaan liiskayga xagaaga. Waan hubaa in ay taasi dhacayso.”
Warbaahinta waddanka Ingiriiska ayaa magacaabaysa ciyaartooyo badan oo ay noqon karayaan kuwa uu Gareth Southgate u dirayo farriinta dadban, waxaase loo arkaa inay tahay tartan uu ka dhax-abuurayo laacibiinta ismuujinaya ee aan hore ugu safanin xulka dalkaas.
