Dhoobley(Idaacadda Sanguuni)-Waxaa la xaqiijiyay dhimashada ugu yaraan 16 qof ka dib markii xalay la soo tabiyay dab saameeyay dhisme ganacsi.
Arrintan ayaa ka dhacday magaalada Zigong oo ka tirsan gobolka Sichuan ee Koonfurta Galbeed ee dalkaasi.
Wakaaladda wararka Shiinaha ee Xinhua ayaa ku warramaysa in saraakiisha dab damiska ay ilaa saaka la tacaalayeen dabkaasi oo saameeyay dhisme ka kooban 14 dabaq.
Waxaa goobta laga soo samata bixiyay 75 ruux iyadoo ay socdaan baaritaano lagu xaqiijinaya sababtii keentay in xaruntaasi laga dukaameysto ay gubato.
Warbaahinta dowladda Shiinaha ee CCTV ayaa ku warramaysa in dabka uu ka billowday qaybta hoose oo ay ku yaallaan bakhaar , xafiisyo, maqaayado iyo meelaha aflaanta lagu daawado.
