(Dhoobley(Idaacadda Sanguuni). Real Madrid ayaa garoonkeeda Santiago Bernabéu ku garaacday kooxda Shakhtar Donetsk, kaddib markii ay kaga adkaatay 2-1, ciyaar qeyb ka ahayd kulammada afaraad wareega group-yada ee tartanka UEFA Champions League.
Qeybta hore ee ciyaarta ayeey labada kooxood Real Madrid iyo Shakhtar Donetsk ku kala nasteen barbardhac 1-1 ah.
Daqiiqadii 14-aad kooxda Real Madrid ayaa hoggaanka u qabatay ciyaarta waxaana 1-0 ka dhigay Karim Benzema kaddib markii uu caawin ka helay saaxiibkiis Vinícius Júnior.
39 daqiiqo kooxda Shakhtar Donetsk ayaa dhalisay goolka barbardhac waxaana 1-1 ka dhigay Fernando oo caawin ka helay saaxiibkiis Alan Patrick.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 61-aad Karim Benzema oo markale caawin ka helay saaxiibkiis Vinícius Júnior ayaa wuxuu hoggaanka u dhiibay kooxda Real Madid ciyaarta ayaa sidaas ku noqotay 2-1.
Ugu dambeyntii ciyaarta ayaa ku dhammaatay 2-1 ay kaga adkaatay Real Madrid, kooxda Shakhtar Donetsk oo ku soo booqatay garoonka Santiago Bernabéu, Los Blancos ayaa kaddib guushaan ay gaartay waxay ka dhigan tahay in Group-ka D ay ku hoggaamineyso 9 dhibcood.
SAWIRRO:
