Dhoobley(Idaacadda Sanguuni)-Liverpool ayaa guul ka soo heshay kooxda Inter Milan oo ay ku booqatay garoonka San Siro kaddib markii ay kaga soo adkaatay 0-2, kulanka lugta hore ee wareega 16-ka ee tartanka UEFA Champions League.
Qeybta hore ee ciyaarta ayeey labada kooxood Inter Milan iyo Liverpool Ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 75-aad kooxda kubadda cagta Liverpool ayaa hoggaanka u qabatay ciyaarta waxaana 0-1 ka dhigay weeraryahankooda Firmino kaddib caawin uu ka helay saaxiibkiis Robertson.
83 daqiiqo marka ay dheesh mareysay kooxda Liverpool ayaa dhalisay goolkeeda labaad ee ciyaarta kaddib markii uu 0-2 ka dhigay Mohamed Salah.
Ugu dambeyntii ciyaarta ayaa ku dhammaatay 0-2 ay kaga soo adkaatay Liverpool kooxda Inter Milan oo ay ku booqatay garoonka San Siro, kulankii lugta hore wareega 16-ka tartanka UEFA Champions League.
Dhinaca kale kooxaha FC Salzburg iyo Bayern Munich ayaa ku kala baxay barbardhac 1-1 ah kulankoodii lugta hore wareega 16-ka tartanka UEFA Champions League, goolka kooxda Bayern waxaa u dhaliyay laacibkooda Kingsley Coman.
