Dhoobley(Idaacadda Sanguuni)-Madaxweynaha Mareykanka Donald Trump ayaa saxiixay amarro madaxwayne oo xiriir ah oo looga gol leeyahay in agu xakameeyo socdaalka iyo soo-galootiga.
kumannaan muhaajiriin ah ayaa la joojiyay ballamihii socdaalka ka dib markii maamulka cusub uu meesha ka saaray CBP One, oo ah app-ka loogu talagalay in balamaha wareysiya ay ku qabsadaan soo-galootiga goobaha laga soo galo xadka.
Madaxwayne Trump ayaa dhanka kale saxiixay dhowr amar madaxwayne oo horey u ballanqaaday.
Donald Trump ayaa saxiixay go’aan uu dalkiisa kaga saarayo Ururka Caafimaadka Adduunka, kaasoo uu ku dhaliilay sida ay wax uga qabato cudurka faafa ee coronavirus.
Markii uu gaaray Aqalka Cad Isniintii, Madaxweynaha Mareykanka Donald Trump ayaa saxiixay cafis ilaa 1,500 oo qof oo ka qeyb qaatay weerarkii dhismaha Capitol ee Mareykanka 6-dii Janaayo, 2021.
Madaxweynaha Mareykanka Donald Trump ayaa taageerayaashiisa hortooda ku saxiixay amar madaxwayne oo ku aadan in Washington ay ka baxdo heshiiskii isbadalka cimilada ee Paris.
