Manchester United ayaa guul muhiim ah ka gaartay kooxda Paris Saint-Germain, kulankii la wada sugayay, kaddib markii ay kaga adkaatay 1-2, waxaana goolasha u kala dhaliyay Bruno Fernandes iyo Marcus Rashford.
Wrgeyska “L’Equipe” ee dalka France ayaa shaaca ka qaaday wareysi uu bixiyay tababare Thomas Tuchel, kaddib ciyaarta, waxaana hadaladiisa ka mid ahaa:
“Hadaan si daacadnimo u hadlo, ma garanayo waxa dhacay, dhibaatooyin badan ayaa la kulanay qeybtii hore, tani waxay igu noqotay layaab, sababatoo ah waxaan gaarnay shan guul oo xiriir ah”.
Tuchel ayaa intaa ku daray, isagoo dhaleeceeyay waxqabadka ciyaartoydiisa intii ay ciyaartu socotay, wuxuuna yiri:
“Wax qabadka wuxuu ahaa dagaal la’aan, cadaadis la’aan, ma aqaano sababta”.
“Waa inaan horumar sameynaa, way iska cadahay inaanan ku qanacsaneyn waxqabadka, laakiin ma ahan waqtigii aan bulshada dhexdeeda ku dhaliili lahayn, gudaha ayaan ku sameyn doonaa”.
“Kahor ciyaarta, jawiga qolka labiska wuxuu ahaa mid aad u deggan, waxaan dareemay dareeno qariib ah, xaaladaha caadiga ah, waxaan dhageysanaa muusik badan oo cod dheer ah, laakiin xaalada sidaas ma aheyn maanta, inta u dhaxeysa labada qaybood ma ahayn waqtigii la xanaaqi lahaa”.
