Dhoobley(Idaacadda Sanguuni)-Dowladda Suudaan ayaa wacad ku martay inay taageeri doonto dadaallada lagu gaarayo nabadda iyo xasilloonida Soomaaliya iyadoo lala kaashanayo dhammaan dhinacyada Soomaalida iyo saaxiibbada gobolka iyo kuwa caalamiga ah.
Sudan ayaa soo dhaweysay heshiiskii dhawaan dhex maray Guddiga Midowga Afrika (AU) iyo dowladda federaalka ah ee Soomaaliya ee ku aaddan kordhinta waqtiga howlgalka Midowga Afrika ee Soomaaliya (AMISOM), ayaa lagu yiri war ka soo baxay wasaaradda arrimaha dibadda Suudaan.
Wasaaraddu waxay ku nuuxnuuxsatay doorka muhiimka ah ee AMISOM ee riixaya dadaallada nabadda ee Soomaaliya tan iyo markii la keenay.
War -saxaafadeedka ayaa sidoo kale tilmaamaya muhiimadda ay leedahay in la taageero dowladda federaalka ah ee Soomaaliya si loo hirgeliyo istiraatiijiyadda amniga qaranka, loona qabto tababarrada iyo dhisidda awoodaha amniga Soomaaliya si ay si firfircoon uga qayb qaataan sugidda amniga iyo xasilloonida Soomaaliya.
Khamiistii, Midowga Afrika wuxuu ku dhawaaqay inuu heshiis la gaaray dowladda federaalka Soomaaliya si loo kordhiyo waqtiga AMISOM oo la aasaasay 2007.
AMISOM ayaa lagu wadaa inay si tartiib tartiib ah ugu wareejiso mas’uuliyadaha amniga ciidamada ammaanka Soomaaliya.
