Dhoobley(Idaacadda Sanguuni)-Xulka qaranka Spain ayaa jab weyn la kulmay, waxaana si xun u karbaashay dhiggooda Scotland oo 2-0 ku jiidhay xilli uu wacdaro ka dhigay xiddiga Manchester United oo laba jeer shabaqa soo taabtay labadii qaybood ee ciyaarta.
Qaybtii hore ayaa waxa xulka Spain gool kaga nixiyey Scott McTominay oo noqday dhaliyaha xulka Scotland, waxaanu goolkaasi niyad-jab ku riday ciyaartoyda Spain oo awoodi waayey inay beddelkiisa keenaan.
Xiddigan khadka dhexe ee Scott McTominay ayaa ciyaartii hore ee Sabtidii uu xulkiisu 3-0 ku jiidhay Cyprus, waxa uu dhaliyey laba gool, waxaanay ka dhigan tahay in laba ciyaarood oo isreeb-reebka Euro 2024 ah uu saxeexay afar gool.
Dhinaca kale, xulka qaranka Turkey ayaa lagu garaacay hoygooda, waxaana 2-0 ku dhirbaaxay dhiggooda Croatia oo marti u ahaa. Laba gool oo uu dhaliyey Mateo Kovacic ayaa Croatia siiyey guushan weyn.
Xasuuq ayaa loo geystay xulka qaranka Yuhuudda, waxaana saddex gool ku burburiyey Switzerland oo ay ku jiraan ciyaartooyo Muslimiin ah, sida Denis Zakaria iyo Shaqiri, inkasta oo laacibkan dambe uu ka maqnaa ciyaartan.
