Dhoobleey(Idaacadda Sanguuni)-Shilkan oo ahaa mid Gaari ayaa waxaa uu ka dhacay Magaalo ka tirsan dalka Spain, waxaana inta la xaqiijiyay ku geeriyooday Wiil Dhalinyaro ah oo lagu Magacaabi jiray Caabi Cali Xaaji Abuukar , halka laba kale ay ku dhaawacmeen.
Shilka ayaa waxaa uu ka dambeeyay kadib markii Gaariga oo ay wateen dhalinyaro Soomaali ah oo heysta dhalashada dalka Holand ay Dalxiis u tageen dalka Spain, hayeeshee xilli ay safar ku jireen uu farriin goostay Gaariga ay wateen darbina uu ku dhacay.
Labada qof oo kale ee shilka ku dhaawacantay ayaa waxaa la geeyay Isbitaal si loo daaweeyo, waxaana burbur xoogan uu soo gaaray Gaariga shilka galay, sida ay warbaahinta u sheegeen ehellada dadka Shilka ku waxyeeloobay.
Ciidamo ka tirsan kuwa dalka Spain ayaa tegay Goobta uu shilka ka dhacay, iyaga oo si deg deg ah Isbitaalka u geeyay labada ruux ee Shilka gaari ku dhaawacantay.
Qaar kamid ah wadamada Caalamka haba ugu badnaadaane dalalka Afrika ayaa waxaa mararka qaar shil ku gala muwaadiniinta Soomaaliyeed, waxaana kasoo gaara khasaaro dhimasho & dhaawac ah.
