Dhoobley(Idaacadda Sanguuni)-Shilka oo ahaa mid gaari ayaa waxaa uu ka dhacay Galbeedka Magaalada Melbourne ee dalka Australia, waxaana ku dhintay 5 Ruux oo isugu jira Soomaali iyo Suudaan.
Shilka ayaa waxaa uu yimid kadib markii ay isku dhaceen Gaari weyn oo ah nooca loo yaqaano (truck) iyo Gaari yar oo ay wateen Dhalinyarada, waxaana ku dhintay laba Dhalinyaro Soomaali ah iyo Saddex u dhashay dalka Suudaan halka uu dhaawac culus uu soo gaaray Wiil Soomaali ah.
Qaar kamid ah bulshadda Soomaaliyeed iyo warbaahinta magaaladda Melbourne ee dalka Australia ayaa sheegaya in dhacdadaan ay aad uga naxeen, isla markaana weli baaritaano lagu haayo sida uu u dhacay Shilka.
Mid kamid ah Waalidiinta Dhalinyarada shilka gashay ayaa sheegtay in shilalka gaari ay kusoo bateen dalka Australia, waxaana ay ugu baaqday dowladda inay arrintaan wax ka qabtaan.
