Dhoobleey(Idaacadda Sanguuni)-Waxaa Maalintii 3aad Shir uga socdaa magaalada Kismayo ee xaruunta Dowlad Goboleedka Jubaland ee Kismaayo Guddiyada Shaqaalaha Rayidka Heer Federaal, Heer Dowlad Goboleed & Maamulka Gobolka Banadir.
Shirkan ayaa diiradda lagu saarayaa Maamul Wanaaga, Taariikda Ururrada Shaqaalaha Soomaaliyeed, dhaqangelinta nidaamka tartan furan ee shaqo-qorista, hannaanka isu-wareejinta Shaqaalaha Rayidka heerarka kala duwan ee Guddiyada shaqaalaha .
Khabiir Sare ee arrimaha Shaqaalaha , Gudoomiyihii ugu horeeyey Guddiga Qaranka shaqaalaha Rayidka Dowladda Mudane, Maxamed Faarax Ciise (Gaashaan) ayaa ka hadlay in muhiim ay tahay in la helo Shaqaalaha Rayid ah oo midaysan lehna xirfaddii iyo kartidii loo baahnaa sidoo kale waxa uu ku dheeraaday ka hadalka Dowlad Wanaaga iyo taarikhda Xiriirka Guud Ee Urrarada Shaqaalaha Soomaaliyeed.
Shirkan ayaa daba socda Shir labadii maalin ee la soo dhaafay uga socday Magaalada Kismayo Guddiyada Shaqaalaha Heer Federaal, Heer Dowlad Goboleed & Maamulka Gobolka Banadir.
