Dhoobley(Idaacadda Sanguuni)-Waxaa si Rasmi ah u furmay suuqa kala iibsiga January iyada oo kooxo badan doonayaan saxiixyo usub.
Kooxaha kala duwan ee reer yurub ayaa u dadaali doona sidii ay xiddigo cusub ugu soo dari lahaayeen kooxdooda.
Xiddigo badan ayaa isku badali doona kooxaha iyaga oo doonaya in ay helaan boosas joogta ah oo ay ka ciyaaraan.
Hadaba halkan kaga bogo wararkii ugu dambeeyay ee suuqa kala iibsiga.
Manchester United ayaa isku diyaarinaysa inay Bisha January iska fasaxdo xiddiga Joshua Zirkzee si ay dhaqaale ugu uruuriso saxiixa weeraryahanka Sporting CP Viktor Gyokeres, kaasoo ay u badan tahay inuu ku kacayo 63 milyan euro (Tutto Juve).
Arsenal ayaa suuqa ka raadinaysa badalka Bukayo Saka waxayna raadinayaan xiddigo ay qaab amaah ah ku hesho saxiixooda (The Mirror).
Juventus ayaa laga diiday dalab ay ku doonaysay daafaca Benfica ee Antonio Silva iyada oo kooxda reer Portugal dalbanayso wax ka badan 30 milyan oo euro (DAZN).
Kooxda Real Madrid ayaa doonaysa saxiixa xiddigaha Nico Williams, Martin Zubimendi iyo Miguel Gutierrez (Confidencial).
Chelsea ayaan aqbali doonin dalab u imanaya xiddiga garabka ka ciyaara ee Joao Felix waxayna sugi doontaa ilaa suuqa kala iibsiga xagaaga (GIVEMESPORT).
Kooxda Real Madrid ayaa dalab 20 milyan ah ka gudbisay saxiixa xiddiga Trent Alexnader Arnold si ay u hesho saxiixa xiddiga (Marca).
Si kasta ha ahaatee Liverpool ayaa isla markiiba diiday dalabka Real Madrid iyaga oo xiddiga aan doonayn in ay iibiyaan (Athletic).
Kooxda Inter Milan ayaa doonaysa saxiixa xiddiga daafaca uga ciyaara Liverpool ee Virgil Van Dijk (Tutto).
Liverpool ayaa u furan in ay iibiso xiddiga Darwin Nunez kaas oo ay Ac Milan doonayso saxiixiisa (TeamTalk)
Liverpool ayaa badalka Darwin Nunez u aragta xiddiga kooxda Inter Milan ee Marcus Thuram (TeamTalk).
