Dhoobley(Idaacadda Sanguuni)-Xiddiga Liverpool ee Mohamed Salah ayaa muujiyay sida uu ugu faraxsan yahay ka dib guushii weyneyd ee ay kooxdiisa Liverpool ka gaartay kooxda West Ham kulan ka tirsanaa wareega 19-ka ee horyaalka Premier League.
Xiddiga oo caawiyay 2 gool isla markaas dhaliyay 2 kale ayaa sheegay in uu ku faraxsan yahay guusha ay kooxdiisu gaadhay.
Markii la weydiiyay hadii uu jiro war wanaagsan oo ku saabsan wadahadalada qandaraas kordhinta ee Liverpool, Salah wuxuu ku jawaabay: “Waan ka fognahay taas.”
Gooldhaliyaha ugu sarreeya ee Reds ayaa sii waday waxana uu yidhi”Ma doonayo inaan ka hadlo arimahaas oo dadku si khaldan u fahmaan”.
