(Dhoobleey(Idaacadda Sanguuni). Shabakada “WhoScored” ayaa daabacday shaxda kooxdii ugu fiiceneyd kulammadii 26-aad ee laga ciyaaray horyaalka Premier League Isbuucan, ee aan ku daawanay guuldarradii ka soo gaartay Manchester City kooxda Tottenham.
Sida laga soo xigtay website-ka “WhoScored”, oo ku takhasusay rikoorada iyo tirakoobyada, ayaa shaxda ay daabacday ayaa waxaa lagu arkay inay ku soo baxeen afarta daafac ee kooxda Southampton kaddib guushii ay kaga gaareen Everton 2-0.
Mohamed Salah ayaa shaxda kooxdii ugu fiiceneyd kulammadii 26-aad ee laga ciyaaray horyaalka Premier League uga soo baxay qiimeyntii ugu sareysa, waxaana sidoo kale ku wehliya ciyaaryahanka khadka dhexe naadiga Burnley ee Josh Brownhill.
Haddaba shaxda kooxdii ugu fiicneyd kulamadii 26-aad ee laga ciyaaray horyaalka Premier League Isbuucan ayaa ah sidan:
Goolhaye: Jordan Pickford (Everton).
Daafacyada: Kyle Walker-Peters (Southampton), Jan Bednarek (Southampton), Mohammed Salisu (Southampton), Tino Livramento (Southampton).
Khadka dhexe: Jadon Sancho (Manchester United), Bruno Fernandes (Manchester United), Josh Brownhill (Burnley), Mohamed Salah (Liverpool).
Weerarka: Wout Weghorst (Burnley) – Harry Kane (Tottenham Hotspur).
