Dhoobley(Idaacadda Sanguuni)-Neymar ayaa kaadh hurdi ah lagu siiyay inuu sameeyay dabaaldega uu caanka ku yahay kulankii ay Paris Saint-Germain 3-1 uga badisay Maccabi Haifa, laakiin cidna ma oga sababta kaadhka loo siiyay.
Xiddiga garabka ka ciyaara ayaa dhaliyay goolkii seddexaad ee PSG ee xalay oo Arbaco aheyd, taasoo ka dhigeysa in PSG ay labo guul gaartay labadii kulan ay ku bilowdeen xilli ciyaareedka Champions League.
Ka dib markii uu kubada si degan u dabamariyay goolhaye Josh Cohen, Neymar ayaa dabaaldegay isagoo suulashiisa gacanta indhaha dhinacooda saaray islamarkaana carabka banaanka u soo bixiyay.
Neymar ayaa ka dhiidhiyay kaadhkii la siiyay laakiin cabashadiisa waxaa dhegaha ka fureystay garsooraha.
Taageerayaasha kubada cagta ayaa la yaabay sida loo dhaqmay xiddiga reer Brazil iyago tilmaamay in ixtiraamdarro loo muujiyay.
Taageere ayaa soo qoray: “Neymar waa ciyaaryahanka loogu neceb yahay ee aan abid arkay.”
Mid kale ayaa soo qoray: “Neymar wax walba uu sameeyo kaadh ayaa lagu siinayaa, waa cadaalad darro.”
Mid seddexaad ayaa yiri: “Waxaa lagu ciqaabay inuu garoonka ku baashaalay.”
Halka qof kale uu soo qoray: “Ciyaartoyda Maccabi Haifa kama aysan xanaaqin dabaaldegiisa, garsoorahana si lama filaan ah ayuu u go’aansaday inuu kaadh hurdi ah u taago.”
