Dhoobley(Idaacadda Sanguuni)-Weeraryahankii hore ee kooxda Aston Villa ee Gaby Agbonlahor oo haatan falanqeeye ahaan u shaqeeya ayaa sameeyay saadaashiisa horyaalka Premier League gaar ahaan kooxaha uu u arko kuwa afarta kaalmood ee sarre ku dhammaysanaya xilli ciyaareedkan.
Agbonlahor ayaa booska koowaad u rajeeyay kooxda haatanba horyaalka difaacanaysa ee Man City halka uu booska labaad siiyay sidoo kalena kooxda uu hubo inay sanadkan afarta sarre galayso u doortay Arsenal oo wakhtigan hoggaanka haysa.
Gaby ayaa kaalmaha saddexaad iyo afraad u kala rajeeyay Tottenham iyo Chelsea oo ay kala hoggaaminayaan Antonio Conte iyo Graham Potter oo dhawaan Blues loo magacaabay.
“Afarta sarre aniga ahaan waxay noqon doonaan booska koowaad Man City, booska labaad Arsenal, booska saddexaaad Spurs iyo booska Afraad Chelsea” ayuu yidhi Gaby.
