Dhoobley(Idaacadda Sanguuni)-Goolhayaha kooxda Borussia Monchengladbach Yann Sommer ayaa sameeyay 19 badbaadin taasoo rikoodh cusub u ah horyaalka Bundesliga, wuxuuna guul u diiday Bayern Munich.
Xiddiga kaliya ee Bayern Munich ee shabaqa ka soo taabtay Sommer wuxuu noqday Leroy Sane kaasoo Bayern u barbareeyay dhamaadkii ciyaarta ka dib markii Borussia Monchengladbach ay hogaanka la wareegtay qeybtii hore.
Sadio Mane ayaa labo gool uu dhaliyay laga diiday sababo la xiriiray inuu offside ahaa.
Borussia Monchengladbach ayaa gool ku dhalisay darbadii kaliya ee ay heleen ciyaarta qeybteedii hore markii uu Marcus Thuram bartamaha garoonka orod ka soo bilaabay isagoo ka faa’ideystay qalad uu sameeyay Dayot Upamecano.
Waxay taasi aheyd darbadii 25aad ee ay Bayern Munich hesho intii ay ciyaarta socotay.
Rikoodhkii uu jabiyay Sommer waxaa hore u heystay goolhaye Alexander Schwolow oo 14 badbaadin u sameeyay Hamburg kulan ay la ciyaarayeen isla Bayern Munich sannadkii hore inkastoo ciyaartaas 4-1 looga badiyay.
Labada kooxood ee Bayern Munich iyo Borussia Monchengladbach ayaa ah kuwa aan laga badinin xilli ciyaareedkan ka dib afar kulan oo ay ciyaareen.
