(Yurub) 05 Agoosto 2020. Kooxda Real Madrid ayaa garoonkeeda Santiago Bernabeu guuldarro 1-2 ah waxay kala kulantay Manchester City, kulankii lugta hore wareega 16-ka ee tartanka Champions League.
Haddaba halyeeyga kooxda Real Madrid ee Manolo Sanchís ayaa u arka in Los Blancos ay heysato fursado ka badan Manchester City, si ay ugu soo baxaan wareega 8-da ee tartanka Champions League.
Wargeyska “Sport” ee dalka Spain ayaa wuxuu shaaca ka qaaday wareysi uu bixiyay Halyeeyga kooxda Real Madrid ee Manolo Sanchís, waxaana uu yiri:
“Real Madrid marka laga soo laabtay Covid – 19, waxay naga dhigtay inaan aamino awooda ay u leedahay inay ku soo baxdo garoonka Etihad”.
“Real Madrid waxay noqotay musharax xoogan si ay u soo baxdo xilligan la joogo, in ka badan sidii ay ahaan laheyd haddii kulankaas la qaban lahaa bishii Maarso ee la soo dhaafay”.
“Waxaan qabaa in Real Madrid 60% ay ka gudbi karto Manchester City, halka kooxda reer England ay heysato 40%”.
Intaas kaddib Manolo Sanchís ayaa ka hadlay in Pep Guardiola uu doonayo inuu kula guuleysto tartanka Champions League labo koox ee kala duwan ayaa wuxuu yiri:
“Wuxuu u socdaa inuu noqdo mid ka mid ah kuwa ugu waa weyn, wuxuu doonayaa inuu taariikh sameeyo, laakiin Real Madrid way guuleysan kartaa markan”.
Gool FM.
