(Dhoobley(Idaacadda Sanguuni). Real Madrid ayaa garoonkeeda Santiago Bernabeu guul weyn kaga gaartay kooda Mallorca, kaddib markii ay kaga adkaatay 6-1, ciyaar qeyb ka aheyd kulammada horyaalka La Liga ee dalka Spain.
Qeybtii hore ee dheesha ayaa lagu kala nastay 3-1 ay ku hoggaamineysay kooxda Real Madrid.
Daqiiqadii 3-aad ee bilowgii ciyaarta Real Madrid ayaa durba hoggaanka u qabatay dheesha waxaana 1-0 ka dhigay weeraryahankooda reer France ee Benzema.
24 daqiiqo marka ay ciyaarta mareysay Asensio ayaa wuxuu dheesha ka dhigay 2-0 ay ku hoggaamineysay kooxda Los Blancos.
Laakiin daqiiqadii 25-aad kooxda Real Mallorca ayaa dhalisay gool, kaddib markii uu 2-1 ka dhigay K. Lee waxaana goolkan ka caawiyay saaxiibkiis M. Hoppe.
29 daqiiqo marka ay ciyaarta mareysay M. Asensio oo caawin ay kaga timid saaxiibkiis K. Benzema ayaa wuxuu dheesha ka dhigay 3-1 ay ku hoggaamineysay Real Madrid.
