Dhoobley(Idaacadda Sanguuni)-Mikel Arteta ayaa shantii saxeex ee uu sameeyey xagaagan kusoo daray liiska ciyaartoydiisa uu u gudbiyey UEFA ee ka qayb-gelaya wareegga group-yada tartanak Europa League ee usbuucan bilaabmaya.
24 ciyaarrtoy oo ay Arsenal gudbisay ayaa lagu daabacay shabakadda UEFA waxaana ku jira laacibka da’da yar ee Marquinhos oo xagaagii ay kala soo wareegeen Sao Paulo laakiin aan wali u ciyaarin kulamadii Premier League ee lixda ahaa ee ay kooxdiisa cusub dheeeshay.
Arsenal ayaa Khamiista ku bilaabanaysa safar ay ugu tegayso FC Zurich, waxaanay raadin doonaan inay kusoo laabtaan jidka guusha kaddib khasaarihii cuslaa ee kasoo gaadhay ciyaartii Manchester United ee Axaddii.
Matt Turner, Oleksandr Zinchenko, Marquinhos iyo Gabriel Jesus ayaa dhamaantood kasoo muuqan doona kulamada Europa League ee wareegga group-yada kaddib markii lagu soo daray liiska ciyaartoyda. Waxa sidoo kale uu Arteta kusoo daray xiddigaha dhaawaca kaga maqan ee Thomas Partey iyo Mohamed Elneny, halka labada da’yar ee James Hillson iyo matt Smith ay iyaguna yihiin wajiyada ku cusub kooxda.
Liiska ciyaartoyda Arsenal ee loo gudbiyey UEFA:
Goolhayeyaal: Aaron Ramsdale, Matt Turner, James Hillson
Difaacyahanno: Ben White, Gabriel Magalhaes, William Saliba, Rob Holding, Cedric Soares, Takehiro Tomiyasu, Oleksandr Zinchenko
Khadka dhexe: Kieran Tierney, Thomas Partey, Martin Odegaard, Fabio Vieira, Albert Sambi Lokonga, Mohamed Elneny, Granit Xhaka, Matt Smith
Weerarka: Gabriel Jesus, Emile Smith Rowe, Gabriel Martinelli, Eddie Nketiah, Reiss Nelson, Marquinhos
