Dhoobley(Idaacadda Sanguuni)-Kooxda kubadda cagta Liverpool oo la murugaysan guul-darradii xanuunka badnayd ee ay kala kulmeen Real Madrid oo xalay ku karbaashtay 5-2 ayaa waxa lagu wargeliyey in lagu riday ganaax hore loogu sii sheegay in ay mutaysanayaan.
Xidhiidhka FA ayaa war-saxaafadeed uu soo saaray, wxa uu ku sheegay in Liverpool lagu ganaaxay inay bixiyaan £25,000 Gini, kaddib rabshaddii ka dhacday garoonka Anfield ee ciyaartii Merseyside derby horraantii bishan.
War-saxaafadeed uu FA-gu soo saaray ayaa lagu sheegay, in kaddib markii ay Liverpool iyo Everton ku guul-darraysteen inay xakameeyaan ciyaartoydooda kulankoodii Anfield, in labada kooxoodba lagu riday lacago ganaax ah kaddib baadhitaano ay sameeyeen guddida anshaxaha ee xidhiidhka kubadda cagta Ingiriisku.
