Dhoobleey(Idaacadda Sanguuni)-Waxaa la shaaciyey xiddiga ku guuleystay abaal-marinta laacibka bishii November ugu fiicnaa ee horyaalka Premier League, kaasoo bandhig fiican ka sameeyay horyaalka bishii la soo dhaafay.
Sida lagu xusay bogga rasmiga ah Twitter-ka ee horyaalka Premier League laacibka kooxda Liverpool ee Trent Alexander-Arnold ayaa ku guuleystay abaal-marinta ciyaaryahankii ugu fiicnaa horyaalka Premier League bishii lasoo dhaafay ee November.
Trent Alexander-Arnold ayaa gool dhaliyay wuxuuna sidoo kale caawiyay 4 gool kale, kaddib 3 kulan oo uu Liverpool kula ciyaaray bishii la soo dhaafay ee November horyaalka Premier League.
Daafaca midig ee kooxda Liverpool Trent Alexander-Arnold ayaa ku guuleystay abaal-marintan, kaddib markii uu ku garaacay, saaxiibkiis Diogo Jota, dhigiisa Manchester Manchester City ee João Cancelo, sidoo kale Bernardo Silva oo isna ka tirsan safka Manchester City, Emmanuel Bonaventure oo kooxda Watford ah, sidoo kale John McGinn oo khadka dhexe kaga ciyaara Aston Villa.
