Dhoobley(Idaacadda Sanguuni)-Xiddiga garabka uga ciyaara kooxda Barcelona ee Raphinha ayaa magacaabay kooxda uu u malaynayo in ay ka joojin karto kooxdiisa ku guulaysiga champions League xilli ciyaareedka 2024/25.
Raphinha, oo 28 jir ah ayaa ku jira qaab ciyaareed Cajiib ah xilli ciyaareedkan isaga oo goolal muhiim ah u dhaliyay Kooxdiisa.
Laacibka reer Brazil ayaa 19 gool iyo 11 caawin sameeyay 27 kulan oo uu u saftay Barca xilli ciyaareedkan, waxaana uu caddeeyay in kooxdiisu ay hammi ku leedahay hanashada koobkeedii lixaad ee champions league.
Barca ayaa haatan ku jirta kaalinta 2-aad ee 36-ka kooxood ee tartanka waxana ay ugu cad-cadahay si ay ugu gudubto wareega xiga ee tartanka.
Kabtanka Barcelona ayaa horay u cadeeyay in kooxdiisu ay “dagaalami doonto” sanadkan Champions League.
Waxa uu Kooxdiisa ku taageeray in ay aado ilaa final-ka tartanka champions league.
“Saadaashayda finalka Champions League? Barcelona vs Manchester City” ayuu yiri Raphinha.
