Dhoobley(Idaacadda Sanguuni)-Waxaa guud ahaan caalamka laga dareemayaa saameynta canshuurihii baaxadda lahaa ee uu soo rogay maamulka madaxwayne Donold Trump. Qaar ka mid ah suuqyada caalamka ayaa hos u dhac ku yimid.
Khubarada ayaa dhanka kale ka digaysa in suuqyada Mareykanka ay sidoo kale saameyn wayn ku yeelanayso canshuurtan cusub.
Hoos u dhac hor leh ayaa ku yimid saamiyada suuqyada Asia, ka dib ku dhawaaqistii canshuuraha ee Donald Trump.
Shirkadaha Nike, Apple, iyo Target ayaa kamidkuwa ay sida ba’an ugu dhufteen canshuurahani iyagoo hoos u dhacay in ka badan 9%.
Trump oo ku sugnaa Aqalka Cad, ayaa wariyeyaasha u sheegayn in arrimahan ay si wanaagsan haatan u socdaan isla markaana ay dhaqaalaha Mareykanka “sare u qaadi doonaan”
