Dhoobley(Idaacadda Sanguuni)-Pep Guardiola ayaan ku faraxsanayn kubadii loo isticmaalay kulankii ay Manchester City guusha ka gaadhay Plymouth Argyle ee koobka FA Cupka isaga oo ku celceliyay cabasho uu sameeyay Mikel Arteta.
Tababaraha Arsenal Arteta ayaa muran dhaliyay bishii January ka dib markii uu qeyb ahaan ku eedeeyay guuldaradii 2-0 ee ka soo gaartay Newcastle gurigooda Carabao Cup. “Waa khiyaano in kubadani ay aad u duulayso,” Arteta ayaa sidaas yidhi.
“Waxaan ka wada hadalnay taas sidoo kale, markaa waxaa jira tafaasiil aan samayn karno si aan u sii wanaagsanaano”.
Tababaraha Gunners ayaa intaa ku daray: “Kaliya aad ayay uga duwan tahay kubbadda Premier League (oo ay samaysay Nike), waana inaad la qabsato”.
Guardiola ayaa hadda sameeyay cabasho la mid ah, in kasta oo kubbadda FA Cup uu soo saaray Mitre, halka Puma ay samaysay kubbadda Carabao Cup.
Ka dib guushii 3-1 ee ay City ka soo gaartay kooxda dilaalka weyn ee Championship, oo garaacday Liverpool wareegii hore, tababaraha Guardiola ayaa yiri: “Ma garanayo inta fursadood ama darbo aan helnay oo laga yaabo in aanay aadin halkii loogu tala galay”.
“Kubada waa ay adag tahay in la keeno meesha aad rabto sababtoo ah mararka qaarkood, kubadani waxay sameyneysaa wax kasta oo kubaddu rabto. Laakiin dhab ahaantii, aad ayaan ugu faraxsanahay qaab ciyaareedka iyo inaan gaadhno 8 dhamaadka”.
