Dhoobley(Idaacadda Sanguuni)-Khabiirka Sky Sports, Paul Merson, ayaa shaaciyay goolhayaha uu aaminsan yahay in Manchester United ay u baahan tahay inay keensato si ay ugu bedesho Andre Onana.
Isagoo ka hadlayay barnaamijka The Premier League Show, Merson ayaa soo jeediyay in United ay u dhaqaaqdo saxiixa goolhayaha Paris Saint-Germain, Gianluigi Donnarumma, si uu u noqdo badalka Onana.
Merson wuxuu ku dooday in Onana ku fashilmay United isla markaana aysan suurtagal ahayn in Man United ay ku guuleysato koob weyn iyadoo isaga goolka u adeegsaneysa.
“Aniga ahaan, waxaan odhan lahaa haa. Kuma guuleysan kartid horyaalo, Koob Adduun ama Champions League adigoon haysan goolhaye wanaagsan,” ayuu yiri Merson.
“Onana dhibco ma badbaadiyo, goolhayeyaasha ayaa dhibco luminaya Man United – taas waa dhibaato weyn.
Waxay u baahan yihiin goolhaye cusub. Waxaan arkaa Donnarumma oo suuqa ku jira – maxay u aadi waayeen isaga?”
