Dhoobleey(Idaacadda Sanguuni)-Hal Ruux ayaa ku geeriyooday goob laga qodayay God loogu talagalay in lagu aaso haanta Shidaalka oo ku taala xaafada Sheedaha ee degmada Ibraahim Koodbuur ee Magaalada Hargeysa Somaliland.
Ciidanka Dab-demiska Hargeysa ayaa gaaray goobta ay wax ka dhaceen, iyaga oo ciidamadu Maydkii ka soo saareen godka, waxaana lagu Aasay qabuuro kuyaal Magaalada Hargeysa.
Qofka dhacdadaas ku geeriyooday ayaa waxaa Magaciisa lagu sheegay Cali Cabdi Jaamac, wuxuuna kamid ahaa shaqaalaha qodayay Godka la doonayay in la geliyo Haanta Shidaalka.
Dhacdooyinka la xiriira Shaqaalaha ku dhacaya godadka iyo kuwa ay kusoo dumayaan dhismayaasha ayaa ku batay Magaalada Harveysa, iyada oo dhowr jeer ay dhaceen.
