Dhoobleey(Idaacadda Sanguuni)-Kooxda ree Talyaani ee Napoli ayaa ugu dambayn kooxaha Yurub ee weeraryahankeeda Victor Osimahen ka doonaya u yeedhisay qiimaha kaliya ee suuqa xagaaga ku sababi kara inay iibkiisa ka fikirto.
Kaddib wakhtiga wanaagsan ee uu dhexda kaga jiro, Napoli ayaa lagu wadaa inay xagaaga hesho dalabaad badan oo lagaga doonayo balse qiimo aad u qaali ah ayay iibkiisa dul-dhigtay sida lagu sheegay il-wareedka II Mattino.
Napoli ayaan wax cadaadis ahi ku saarnayn inay iibiso Osimahen maadaama heshiiskiisa kooxdu yahay mid dhacaya xagaaga 2025, madaxweyne Aurelio De Laurentiis ayaa la sheegay inuusan xiisaynayn dhagaysiga qiimayaasha ka hooseeya 150 Milyan oo pound.
Man United ayaa sidoo kale doonaysa dhaliyaha Tottenham ee Harry Kane laakiin Spurs ayaa 100 Milyan oo pound oo waliba hal mar la wada bixiyo iyaguna ku doonaya 29 sano jirkaas.
