Chelsea ayaa u gudubtay wareega Siddeed dhamaadka ee tartanka FA Cup kaddib markii ay kaga soo adkaatay 0-1 kooxda Barnsley oo ay ku booqatay Oakwell Stadium, kulankii wareega shanaad ee tartanka FA Cup-ka.
Ciyaarta kaddib Tababaraha kooxda Chelsea ee Thomas Tuchel ayaa u sheegay warbaahinta:
“Waxaan u ciyaari karnaa si ka fiican, laakiin aniga sidaas uma niyadjabinayo ciyaartoydeyda, ma doonayo inaan naxariis laawe noqdo, laakiin ciyaartoydan waxay la ildaran yihiin heerar hoose iyo kalsooni xumo.”
“Waxaan dhalinay gool kaddib waxaan dareemay inay qatar badan nagu sii kordhinayaan, laakiin ma aanan gaarin go’aanada qaar geesinimada ee loo baahan yahay, ma jiro falanqeyn dheeri ah, sababtoo ah waan xirnay faylkii ciyaarta, Chelsea wey soo baxday.”
Intaas kaddib Thomas Tuchel ayaa ka hadlay waxqabadka goolhaye Kepa Arrizabalaga, wuxuu yiri:
“La yaab iguma ahan inuu muujiyey tayo aad u weyn, shaqsiyad weyn iyo dadaal weyn oo xagga tababarka ah.”
