Dhoobley(Idaacadda Sanguuni)-Tababaraha Liverpool Arne Slot ayaa ka hadlay bar-barihii ay kooxdiisu la gashay Nottingham Forest kulan ka tirsan premier League.
Kooxda Liverpool ayaa dhibco ku lumisay kulan kale iyada bar-baro gashay kulankii 2-aad oo xidhiidh ah premier League.
“Waa inaad nasiib yar ku yeelataa bedelka,” tababaraha ayaa yiri.
“Konate waanu ka saarnay, wakhtigaas, waan ogayn in kubadaha madaxa aanu halis ugu jirnay laakiin sidoo kale waxa aan ogayn in uu Jota dhalin karo goolal madaxa ah”.
Dhanka qaab ciyaareedka daafaca ee Nottingham: “Goolhayahooda ayaa sameeyay badbaadino fiican laakiin sidoo kale difaacayaashoodu waxay sameeyeen badbaadino fiican”.
Waxa uu intaa ku daray: “Ma aanan waydiin karin wax intaas ka badan, qaybta dambe waxay ahayd mid aad u wanaagsan, ma jiraan kooxo badan oo fursado badan ka abuuri kara koox difaac adag, nasiib darro ma awoodin in aan dhalino goolal”.
