Dhoobley(Idaacadda Sanguuni)-Mohamed Salah ayaa qirtay inuu doonayo inuu ku guuleysto horyaal kale oo Premier League ah ka hor inta uusan ka tagin Anfield.
Salah ayaa ku jira bilihii ugu dambeeyay ee heshiiskiisa Liverpool waxana uu qaab xor ah uga tagayaa kooxda dhamaadka xilli ciyaareedkan.
In uu Salah ka tago kooxda suuqa xagaaga ayaa ah suurtagalnimo weyn maadama uuna wali heshiis cusub u saxiixin kooxda.
Sidaas darted Salah ayaa doonaya in uu kooxda ku hogaamiyo koob premier Leageu ah ka hor inta uuna ka tagin kooxda dhamaadka xilli ciyaareedkan.
“Dhiirigelintaydu sanadkan waxay ahayd runtii inaan koob ku guuleysto oo aan qayb wayn ka noqdo ku guulaysiga koobkaas, gaar ahaan Premier League,” Salah ayaa sidaas yidhi.
“Weli waxaan aaminsanahay in kooxdu ay u baahan tahay koob kale, sababtoo ah ku dhawaad kala bar kooxdii halkaan joogtay markii aan ku guuleysanay waa ay ka baxday, waxaa weli harsan aniga, Virgil, Trent, Ali, Joe iyo Robbo, marka waxaa haray shan ama lix ciyaaryahan. Markaa waxaan qabaa inay lagama maarmaan tahay inaan koob kale ku guuleysano ka hor inta aanan ka tagin kooxda”.
“Waxaan u maleynayaa inaan u baahanahay mid kale, waxaan ku guuleysanay wax walba, laakiin waxaan ku guuleysanay [Premier League] kaliya hal mar, waxaan rajeyneynaa inaan ku guuleysan karno laba jeer”.
