Dhoobley(Idaacadda Sanguuni)-Mohamed Salah waxa uu baranayaa luuqa Spanish-ka balse waxa uu ku adkeystay in taasi aysan la macno ahayn inuu u dhaqaaqayo koox ka dhisan La Liga.
Xiddiga Liverpool ayay wax ka yar 6 bilood uga dhimantahay heshiiskiisa Liverpool waxana ay u muuqataa in uu ka tagayo kooxda dhamaadka xilli ciyaareedka.
Wadahadalada ayaa wali furan laakiin wali wax horumar ah lagama samayn waxana uu sheegay dhawr mar in ay tahay sanadkiisii ugu dambeeyay ee Liverpool.
Isaga oo arintaas ka hadlaya ayuu yidhi”Waxa aan baranayaa luuqada Spanish-ka”.
“Laakiin taasi lama macno ah in aan ka fikirayo in aan ku noolaado Spain”ayuu sii raaciyay.
Salah ayaa lala xidhiidhinayaa kooxo badan oo reer yurub ah kana mid yihiin PSG Iyo Juventus.
