Dhoobley(Idaacadda Sanguuni)-Gabriel Jesus ayaa si lama filaan ah looga saaray xulka qaranka Brazil ee kulamada saaxiibtinimo ee ay iskugu diyaarinayaan Koobka Adduunka, waxaanay taasi walaac ku abuurtay laacibkan maadaama booskiisa afka hore ee weerarka ay kula tartamayaan dersin ciyaartooyo ah.
25 jirkan oo Arsenal ay £45 milyan oo Gini kaga soo iibsatay Arsenal xagaagii ayaa toddoba kulan oo Premier League ah oo uu u saftay Gunners waxa uu u dhaliyey afar gool iyo saddex uu caawiye ka noqday, hase yeeshee tababare Tite ayaa ka doorbiday Richarlison oo uu u xidhay No.9, iyadoo uu weeraryahanka Tottenham laba gool dhaliyey kulankii Tottenham ee toddobaadkii hore.
Ciyaarta caawa ee Tunisia ayaa la filayaa in Richarlison oo 25 jir ah uu kusoo bilaaban doono, waxaanay u noqonaysaa kulanka ugu dambeeya ee Brazil ay dheelayso ka hor Koobka Adduunka oo ay ku furanayaan Serbia oo ay November 24 is-arkayaan.
