Dhoobley(Idaacadda Sanguuni)-Kooxda Manchester United ayaa si dhow ula socota daafaca dhexe ee da’da yar ee reer Norway Eivind Helland, oo 20 jir ah kana tirsan kooxda SK Brann, sida laga soo xigtay warbixin ay qortay TeamTalk. Wararka ayaa sheegaya in Bayern Munich ay sidoo kale xiiseynayso xiddigan. Waxaa lagu qiimeeyaa adduun lacageed dhan €10 milyan.
Helland oo ku dhashay magaalada Bergen sanadkii 2005, ayaa xilli ciyaareedkan si joogto ah uga mid noqday safka koowaad ee Brann, isagoo saftay in ka badan 30 kulan, wuxuuna ku soo baxay difaac karti badan leh oo leh awood sare oo cirka ah iyo deganaan kubadda lagu maamulo.
United ayaa la rumeysan yahay inay u dirtay sarkaal indha-indheeya ah ciyaaryahankan, gaar ahaan kulankii uu sida cajiib ah isu muujiyay ee guushii 3-1 ee ay Brann ka gaartay Viking toddobaadkii hore.
Kooxda Brann ayaa la sheegayaa inay rabto inay daafacan ka saxiixato heshiis cusub si aysan u lumin xiddigan, halka Helland uu sheegay inuu diiradda saarayo horumarkiisa kooxda haatan.
