Manchester City ayaa u gudubtay wareega Afarta tartanka FA Cup kaddib markii ay kaga adkaatay kooxda Everton 0-2, kulan qeyb ka ahaa wareega siddeeda ee tartanka FA Cup.
Kaddib kulankii siddeed dhamaadka FA Cup-ka ay xalay ku wada ciyaareen garoonka Goodison Park, tababare Carlo Ancelotti ayaa u sheegay warbaahinta:
“Waxaan goob joog ka aheyn kulanka waxaan soo bandhignay sida ugu fiican, waxaan si fiican u difaacnay ugu yaraan 80 daqiiqo wax walbana waa la xakameeyay.”
“Waxaan dareemayaa inaan ku qanacsanahay waxa ay kooxda sameysay, sababtoo ah waxaan guuldarro kala kulanay kooxda ugu fiican adduunka xilligan la joogo.”
“Waxaan dooneynay inaan ka dhigno kuwa aan dareemin raaxo, dabcan waxay ahaayeen kuwa raaxo dareema marka ay kubadda dhinacooda jirto, laakiin si fiican ayaan u difaactanay, waxaan u ciyaarnay kulanka sidii aan dooneynay.”
“Waxay haystaan kursiga keydka ugu fiican adduunka. Ciyaartii aan la ciyaarnay City waxay noo ahayd khibrad wanaagsan, mana ka qoomameyno wax walba.”
