Dhoobley(Idaacadda Sanguuni)-Manchester City ayaa saddexda dhibcood ka soo heshay kooxda Norwich City oo ay booqatay, kaddib markii ay kaga soo adkaatay 0-4, ciyaar qeyb ka ahayd kulammada Isbuuca 24-aad ee horyalka Premier League.
Qeybta hore ee ciyaarta ayaa lagu kala nastay 0-1 ay ku hoggaamineysay kooxda Manchester City.
Daqiiqadii 31-aad Manchester City ayaa hoggaanka u qabatay dheesha waxaana 0-1 ka dhigay R. Sterling kaddib markii uu goolka caawintiisa lahaa K. Walker.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 48-aad marka ay ciyaarta mareysay Manchester City ayaa dhalisay goolkeeda labaad ee ciyaarta kaddib markii uu 0-2 ka dhigay da’ayarkooda reer England ee P. Foden.
Sterling oo caawin ka helay saaxiibkiis R. Dias ayaa wuxuu ciyaarta ka dhigay 0-3 ay ku hoggaamineysay kooxda martida ahayd ee Manchester City.
Manchester City aaa sii dheereysatay hoggaaminta ciyaarta daqiiqadii 90 + 1′ waxaana 0-4 ka dhigay Sterling.
Ugu dambeyntii dheesha ayaa waxay ku dhammaatay 0-4 ay kaga soo adkaatay Manchester City kooxda Norwich City oo ay booqatay, City ayaa hadda ku hoggaameysa horyaalka 63 dhibcood.
SAWIRRO:
