Qeybta hore ee ciyaarta ayaa lagu kala nastay 1-2 ay ku hoggaamineysay kooxda martida aheyd ee Manchester United.
Daqiiqadii 5-aad ee bilowga dheesha kooxda Sheffield United, kaddib markii uu 1-0 ka dhigay David McGoldrick.
Laakiin daqiiqadii 26-aad Manchester United ayaa dhalisay goolka barbardhaca, waxaana 1-1 ka dhigay xiddiga reer England ee Marcus Rashford, kaddib markii uu goolkan ka caawiyay saaxiibkiis Victor Nilsson Lindeloef.
34 daqiiqo marka ay ciyaarta aheyd kooxda Manchester United ayaa hoggaanka u qabatay dheesha, waxaana 1-2 ka dhigay laacibka reer France ee Anthony Martial.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 51-aad Marcus Rashford ayaa u sii dheereeyay hoggaanka kooxdiisa Manchester United, kaddib markii uu ciyaarta ka dhigay 1-3, waxaana goolkan ka caawiyay saaxiibkiis Anthony Martial.
Daqiiqadii 87-aad kooxda Sheffield United ayaa dhalisay gool waxaana 2-3 ka dhigay ciyaarta xiddigooda David McGoldrick.
Ugu dambeyntii ciyaarta ayaa ku dhamaatay 2-3 ay Manchester United kaga soo adkaatay kooxda Sheffield United oo ay ku booqatay garoonka Bramall Lane.
Gool FM.
