Dhoobley(Idaacadda Sanguuni)-Kooxda Man City ayaa sii wada natiijooyinkii xumaa ee premier League iyaga oo guuldaro kala kulmay kooxda Aston Villa.
Aston Villa ayaa si dar-dar leh ku bilaabatay ciyaarta iyaga oo doonayay in ay ka badiyaan kooxda Man City.
Daqiiqadii 16-aad ayay Aston Villa dhalisay goolka 1-aad waxana u dhaliyay xiddiga Jhon Duran kaas oo ciyaarta ka dhigay 1/0.
Man City ayaa wax walba u samaysay sidii ay u dhalin lahayd bar-baraha iyada oo Aston Villa difaac adag gashay.
Waxa sidaas ku dhamaatay qaybtii hore ee ciyaarta oo ay Man City samaysay wax walba oo ay awoodo laakiin ayna wax gool ah dhalin.
Qaybtii dambe ayay Aston Villa si dar-dar leh ku bilaabatay iyaga oo doonayay in ay sii dheeraystaan natiijada.
Daqiiqadii 65-aad ayay Aston Villa dhalisay goolka 2-aad waxana u dhaliyay xiddiga Morgan Rogers kaas oo ciyaarta ka dhigay 2/0.
Man City ayaa daqiiqadii 93+3-aad dhalisay goolka 1-aad waxana u dhaliyay xiddiga Phil Foden kaas oo ciyaarta ka dhigay 2/1.
Waxa sidaas ku dhamaatay ciyaarta oo ay Man City la kulantay guuldaro kale oo xanuun badan premier League.
