Dhoobley(Idaacadda Sanguuni)-Manchester City ayaa guul ka gaadhay dhigeeda ree Germany ee Bayern Munich kulan aad la iskugu dhawaa oo ka dhacay carriga Maraykanka.
Sky Blues ayaa goolka madiga ah ee kulankaas lagu kala adkaaday ka heshay saxeexeeda cusub ee Erling Haaland oo caawin ka helay saxeexeeda rekoodhka ah ee Jack Grealish.
Shaxihii Labada Kooxood Ee Kulanka
Goolka Haaland oo yimid daqiiqadii 12-aad isla markaana ahaa isku daygii ugu horreeyay ee 22 sano jirkaas ayaa ahaa mid kubad soo booday uu xakameeyay Kevin De Bruyne oo meel fiican baas ugu furay Grealish kaas oo isaguna kubadda goolka hor mariyay kahor inta uusan Haaland meel dhaw kaga leexin goolka.
Intaas kaddib City ayaa ahayd kooxda gacan sarre leh ee fursado badan abuurtay iyadoo xataa mar kale uu Haaland goolka gaadhay daqiiqadii 41-aad kaddib baas kale oo goolka loo hordhigay balse ay garab-dhaaf (Offside) noqotay.
