Dhoobley(Idaacadda Sanguuni)-Manchester City ayaa garoonkeeda Etihad saddexda dhibcood kaga qaadatay kooxda Brentford, kaddib markii ay kaga adkaatay 2-0, ciyaar qeyb ka ahayd kulammada 24-aad ee horyaalka Premier League.
Qeybta hore ee ciyaarta ayaa lagu kala nastay 1-0 ay ku hoggaamineysay Manchester City.
Daqiiqadii 40-aad Manchester City ayaa loo dhigay rigoore waxaana gool u badelay laacibkooda Riyad Mahrez, dheesha ayaa waxay sidaas ku noqotay 1-0.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
69 daqiiqo marka ay ciyaarta mareysay Kevin De Bruyne ayaa wuxuu dheesha ka dhigay 2-0 ay ku hoggaamineysay Manchester City.
Ugu dambeyntii ciyaarta ayaa ku dhammaatay 2-0 ay kaga adkaatay Manchester City, kooxda Brentford oo ku soo booqatay garoonka Etihad, City ayaa hadda ku hoggaamineysa kala sareynta horyaalka 60 dhibcood, waxayna 12 dhibcood ka sareysaa kooxda ku soo xigta ee Liverpool.
SAWIRRO:
