Dhoobley(Idaacadda Sanguuni)-Madarasada al raxma waxaa ay kamid tahay madaarista lagu barto qur’aanka kariimka ah iyo xifdintiisa taas oo ku taala xaafada boosniya ee magaalada dhoobley ee gobolka jubada hoose.Madarsada ayaa xaflad qalin jabin ah u qabatay 5 arday oo dhameysay barashada quraanka kariimka.
Xaflada qalin jabinta waxaa kasoo qeyb galay Waalidiinta Ardayda Dhigata Madarasada al raxma iyo Marti Sharaf kale Iyadoona Halkaasi lagu Gudoonsiiyay Shahaadooyin Ardayda Dhameysay Barashada Quraanka Kariimka Qowlkii eebe.
Ugu horreyn waxaa xaflada hadallo ka soo jeediyay maxamed deeq islamarkaana kasoo qeyb galayaasha xafladda ugu baaqay inay garb istaag u muujiyaan goobaha waxbarashada ee diniga ah.
Ugu danbeyn maamulaha madarasada al raxma ayaa u mahad celiyay ka soo qeyb galayaasha xafladda kadibna ardayda kula dardaarmay in wabarashadooda kor u sii qaadaan si gaaraan mustaqbal fiican.
Khadar Axmed Salaan. ayaa warbixintan inooga diyaariyay
