Dhoobley(Idaacadda Sanguuni). Tababare Mauricio Pochettino ayaa la soo warinayaa inuu doonaya inuu Harry Kane keeno garoonka Old Trafford, haddii loo magacaabo Macallinka Kooxda Manchester United.
Tababaraha Paris Saint-Germain ayaa laga yaabaa inuu dib ula midoobo Weeraryahankiisii hore oo ay ku wada sugnaayeen Naadiga Tottenham, marka uu ku biiro Kooxda Manchester United.
Macallin Mauricio Pochettino ayaa ku boorin doona Manchester United inay la soo saxiixato Weeraryahanka Tottenham ee Harry Kane haddii uu noqdo tababaraha xiga ee kooxda, sidaas waxaa warinaysa Jaririadda The Telegraph.
Tababaraha haatan ee kooxda PSG, Pochettino ayaa si xooggan loola xiriirinayaa in uu ku laaban doono horyaalka Ingiriiska ee Premier League dhammaadka xilli ciyaareedkan, waxaana la saadaalinayaa inuu hoggaanka u qaban doono Kooxda Manchester United.
Haddii uu qabto shaqada Garoonka Old Trafford, Muhiimaddiisa koowaad waxa ay tahay inuu dib ula midoobo Kane kaddib markii ay labadoodu guulo ku soo wada gaareen Kooxda Tottenham.
