Liverpool Oo War Naxdin Leh Ka Heshay Dhaawaca Thiago Alcantara Iyadoo La Shaaciyay Mudada Uu Maqnaanayo & Kulamada Uu Seegayo

By
admin
-
0
164

Dhoobley(Idaacadda Sanguuni)-Liverpool ayaa waayi doonta xiddiga khadka dhexe Thiago Alcantara dhowr isbuuc ka dib markii baaris lagu sameeyay Axadii ay muujisay inuu dhaawac ka qabo muruqa bowdada.

Laacibka reer Spain ayaa dhaawaca uu soo gaaray shan daqiiqo markii  ay socotay qeybtii labaad ee kulankii ay barbaraha 2-2 la galeen Fulham iyadoo uu bedelay Harver Elliott.

Baaritaano lagu sameeyay ayaa haatan lagu ogaaday inta uu gaarsiisan yahay dhaawaciisa isagoo maqnaan doona muddo bil iyo bar, waxa uu garoomada ka maqnaanaya muddo lix isbuuc ah taasoo dhabarjab xoogan ku ah tababare Jurgen Klopp.

Liverpool ayaase diiday inay waqti u qabato waqtiga soo kabashada 31 jirkaan iyagoo baaris laabaad ku sameyn doona dhamaadka isbuucaan taasoo lagu xaqiijin doono mudada uu ka maqnaanayo kooxda koowaad.

Inkastoo Liverpool aysan u arkin dhaawaca Alcantara mid halis ah hadana waxa ay dhabarjab xoogan ku tahay Jurgen Klopp iyadoo Liverpool ay galeyso todobaadyo mashquul badan oo ay ciyaarayaan kulamo muhiim ah.

Thiago Alcantara wuxuu seegayaa kulamada Crystal Palace, Manchester United, Bournemouth, Newcastle, Everton iyo Wolves.

Thiago ayay haatan u bilaabatay soo kabashadiisa isagoo ku sugan xarunta tababarka kooxda ee AXA Centre, wuxuuna dhaawaciisa ku soo aaday iyadoo Liverpool ay sidoo kale ka dhaawacan yihiin Curtis Jones iyo Alex Oxlade-Chamberlain.

RELATED ARTICLESMORE FROM AUTHOR