Dhoobley(Idaacadda Sanguuni)-Kooxda Liverpool ayaa diyaar u ah inay saddex ciyaaryahan oo da’yar ka saarto kooxda xagaagan, sida uu werinayo UK Mirror.
Ciyaartoyda la qorsheynayo in la fasaxo ayaa kala ah:
- Luca Stephenson
- James McConnell
- Lewis Koumas
Go’aankan ayaa qeyb ka ah qorshaha tababare Arne Slot, kaasoo doonaya inuu dib u dhiso kooxda iyadoo laga shaqeynayo hagaajinta safka kooxdu ku wajihi doonto xilli ciyaareedka cusub.
Liverpool ayaa durba suuqa si firfircoon uga shaqeysay, iyadoo ku qarash gareysay ilaa £300 milyan ciyaartooyo ay ka mid yihiin:
- Hugo Ekitike
- Florian Wirtz
- Milos Kerkez
- Jeremie Frimpong
Sidoo kale, Trent Alexander-Arnold ayaa kooxda uga biiray Real Madrid iyadoo heshiiskaas lagu qiimeeyay £10 milyan, halka Luis Diaz uu u wareegay Bayern Munich qiimo dhan £63.5 milyan.
Dhinaca kale, ciyaartoyda da’yarta ah ayaa xiiso ka helaya kooxo kala duwan:
- Stephenson waxaa doonaya Dundee United, Swansea, Reading, Rotherham iyo Cardiff (amaah).
- McConnell waxaa lala xiriirinayaa West Brom, Ipswich, Derby, Oxford, Swansea iyo kooxda reer France ee Metz.
- Koumas waxaa si dhow ula socda kooxaha Norwich, Sheffield United, Hull, Preston, Birmingham iyo Wrexham.
Fasaxa ciyaartoyda da’da yar iyo raadinta saxiixyo cusub ayaa muujinaya rabitaanka Arne Slot ee ah inuu Liverpool ku hoggaamiyo marxalad cusub oo guulo lagu gaari karo gudaha iyo dibaddaba.
