Dhoobley(Idaacadda Sanguuni)-Liverpool ayaa saddexda dhibcood kaga soo qaadatay Arsenal garoonkeeda Emirates, kaddib markii ay kaga soo adkaatay 0-2, ciyaartan oo qeyb ka ahayd kulammada horyaalka Premier League.
Qeybta hore ee ciyaarta ayeey labada kooxood Arsenal iyo Liverpool ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 54-aad Liverpool ayaa hoggaanka u qabatay ciyaarta waxaana 0-1 ka dhigay D. Jota, iyadoo uu caawinta goolka uu lahaa T. Alcantara.
62 daqiiqo marka ay dheesha mareysay R. Firmino oo ay caawin kaga timid saaxiibkiis Robertson ayaa dheesha ka dhigay 0-2 ay ku hoggaamineysay kooxda Liverpool.
Ugu dambeyntii ciyaarta ayaa ku dhammaatay 0-2 ay kaga soo adkaatay Liverpool kooxda Arsenal oo ay ku booqatay garoonka Emirates, Reds oo kaalinta labaad ku jirta ayaa waxay hal dhibac u jirtaa hoggaamiyaasha horyaalka ee Manchester City, waxayna leystaan 69 dhibcood.
