Qeybta hore ee ciyaarta ayaa lagu kala nastay barbardhac 1-1 ah ay isku dhaafi waayeen labada kooxood Liverpool iyo West Ham United.
Daqiiqada 10-aad kooxda West Ham United.ayaa hoggaanka u qabatay ciyaarta waxaana 0-1 ka dhigay Pablo Fornals.
Laakiin 42 daqiiqo marka ay ciyaarta aheyd kooxda Liverpool ayaa loo dhigay rigoore waxaana gool ka dhigay xiddiga reer Masar ee Mohamed Salah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 85-aad Liverpool ayaa hoggaanka u qabatay dheesha waxaana 2-1 ka dhigay xiddiga reer Portugal ee Diogo Jota, kaddib markii uu goolkan ka caawiyay saaxiibkiis Xherdan Shaqiri.
Ugu dambeyntii ciyaarta ayaa ku soo idlaatay 2-1 ay kaga adkaatay Liverpool kooxda West Ham United oo marti ugu aheyd garoonkeeda Anfield, Reds ayaana la wareegtay hoggaaminta horyaalka Premier League.
SAWIRRO:
