Dhoobley(Idaacadda Sanguuni)-Barcelona oo ay horeba uga dhaawacnaayeen Ousmane Dembele iyo kabtan Sergio Busquets ayuu xalay kaga biiray liiskaas mashiinkeeda khadka dhexe ee Pedri Gonzalez.
20 sano jirkaas ayaa la bedelay kahor dhammaadkii qaybtii hore wuxuuna ciyaarta kaddib tababare Xavi Hernandez shaaciyay inuu dhaawac bawdada ahi haleelay.
Wargeyska Diario AS ayaa sheegay inuu Pedri maqnaan doono mudo bil ah taas oo ka dhigan inuu soo laabanayo badhtamaha bisha dambe ee March isagoo ugu horreynba seegaya kulanka toddobaadkan ee Cadiz iyo lugta labaad ee Man United.
Sidoo kale Pedri ayaa lagu wadaa inuu maqnaan doono kulamada horyaalka ee kala ah Almeria, Valencia iyo Athletic Club.
Sidoo kale Pedri ayaa seegi doona lugta hore ee afar dhammaadka Copa Del Rey oo ay Real Madrid wada ciyaarayaan iyo labada lugood ee wareega 16-ka Europa League haddii ay Man United dhaafaan.
Si lamid ah Busquets iyo Pedri sidoo kale kulanka Old Trafford ee Khamiista dambe waxa Barca ka maqnaan doona Gavi oo isagu ganaaxan.
