Dhoobley(Idaacadda Sanguuni)-Manchester United ayaa soo gashay kaalinta labaad ee kala sareynta Premier League ka dib markii ay 2-0 ku garaaceen kooxda Leeds United oo dhabar adeyg muujisay ilaa daqiiqadii 80aad ee ciyaarta.
Goolal ay 10kii daqiiqo ee ugu danbeysay ciyaarta kala dhaliyeen Marcus Rashford iyo Garnacho ayaa Manchester United ku hogaamiyay guul muhiim ah oo ay ka gaareen kooxda ay xafiiltamaan.
Guushaan waxay Man United ka saaciday inay kaalinta labaad kala baxdo Manchester City iyagoo hal dhibic ka sareeya laakiin kooxda Pep Guardiola ayaa goordhow la ciyaari doonta Aston Villa.
Kulankaan waxa uu ka mid ahaa kulamadii ugu adkaa ee ay Manchester United ciyaarto xilli ciyaareedkan iyadoo Leeds United ay dib u soo nooleysay cadaawadii 90meeyadii kala dhaxeyn jirtay kooxda Shayaadiinta Cas Cas.
Shaxda Labada Koox
Leeds United XI: Ayling, Patrick Bamford, Koch, Firpo, Maximilian Wöber, Adams, Jack Harrison, Illan Meslier, McKennie, Crysencio Summerville, Wilfried Gnonto
Subs: Robles, Rasmus Kristensen, Sam Greenwood, Brenden Aaronson, Georginio Rutter, Darko Gyabi, J. Chilokoa-Mullen, Diogo Monteiro, Mateo Joseph
Man Utd XI: De Gea, Sabitzer, Maguire, Fred, Shaw, Weghorst, Bruno Fernandes, Dalot, Rashford, Sancho, Tyrell Malacia
Subs: Heaton, Lindelof, Varane, Wan-Bissaka, Martinez, Facundo Pellistri, Anthony Elanga, Alejandro Garnacho, Zidane Iqbal
