Aston Villa ayaa xalay Gunners ku soo garaacday garoonkeeda Emirates, waxaana ay uga soo adkaatay 3-0 oo ay la socotay kubbad qurux badan.
Yeelkeede, labo ka mid ah goolashaas waxaa ka dhaliyey Arsenal Ollie Watkins, kaasoo shaaca ka qaaday in Gunners kaliya ma’ahane ay koox kasta oo Premier League ka ciyaarta ay garaaci karaan.
Markii uu soo dhammaaday kulankii xalay ay Villa guusha ku soo gaartay garoonka Emirates, ciyaaryahan Ollie Watkins ayaa digniin u diray kooxaha Premier League waxaana uu yiri: “Cid kasta waanu garaaci karaynaa, waad aragteen caawa iyo ciyaartii Liverpool, waxaanu nahay koox wanaagsan oo cid walba garaaci karta.”
Si kastaba ha noqotee kooxda Aston Villa ayaa hore u soo garaacday Liverpool oo ay 7-2 ku dhufatay bilowgii horyaalka, waxaana ay kooxdani ku jirtaa xilli ciyaareed qurux badan, iyagoo min 15 dhibcood la wadaaga haatan kooxda Chelsea oo ku jirta kaalinta shanaad ee kala horreynta horyaalka Premier League.
