(Paris) 14 Agoosto 2020. Kooxda kubadda cagta Paris Saint-Germain ee ka dhisan caasimadda Waddanka Faransiiska ayaa la soo warinayaa inay xiriir la sameysay xiddig ka tirsan kooxda reer England ee Manchester United.
Xiddig ka tirsan kooxda ugu guulaha badan horyaalka Ingiriiska ee Manchester United, kaasoo ay xiriir la sameysay PSG ayaa magaciisa lagu sheegay Ighalo, waxaana naadiga reer France ay doonaysaa inay la saxiixato.
Sida uu warinayo Warsidaha Foot Mercato Weeraryahanka Kooxda Manchester United ee Odion Ighalo ayaa ku jira liiska xiddigaha ay suuqa kala iibsiga ka doonayso Paris Saint-Germain, waxaana la la xiriiray markii ugu horreysay.
Kooxda Paris Saint-Germain ayaa raadinaysa inay buuxiso booska uu ka baxay Edinson Cavani, waxayna u arkaan Ighalo inuu yahay bartilmaameedka u buuxin kara booskaas oo la awoodi karo, isla markaana aysan lacag badan kaga baxaynin.
Gool FM.
